А на дубе тым – верасьнёвы дым. Там зязюля ноч кувала, а на дубе тым. А пад дубам тым, дзе гусьцее дым, дзеўка сьлёзкі пралівала, а пад дубам тым: «Дзе ж, далёкі, ты, дзе твае сваты? Як цябе я цалавала, незабыўны ты!.. Наш сасьнёны сын – сонцам залатым... Сэрца скрухай гаравала – наш нязбытны сын... Змучыў боль зусім, думкі ўсе аб ім: як на ручаньках люляла... Наш маленькі сын... Шлях у нас адзін зь лёсам жорсткім, злым. Цемра моцу з жыцьцяў скрала – шлях у нас адзін». А на дубе тым – жалудовы дым. Там зязюля ноч кувала, а на дубе тым...
7.X.2004.
|
|